DVD! DVD!...DVD! DVD!...

Kailan nga ba matatawag na ang pagmamahal ay tunay? aba! Malay ko lolzz, sabi nila maririnig mo raw 'to, makikita mo, mararamdaman mo at higit sa lahat hindi magbabago hanggang sa dulo ng walang hanggan (kakapanuod ng teleserye yan)...

Bumili ako last month ng dvd, Transformer 2...Di ko alam na pirated, kasi naman hawak pa lang alam ko nang original ang dvd, nakita ko pa ung drawing sa harap ng dvd, wow!orig na orig! pinanuod ko, (batangueño) ala eh kaganda ng sounds!, nag enjoy tuloy ako eh!

Makalipas ang ilang linggo panunuorin ko sana uli ung Transformer, Putek!bulol na si IronHide!, Si BumbleBee eh ngongo na!, Slow motion pa silang lahat, langyang DVD yan!Pirated!

Dalawa lamang ang maaari mong gawin sa dvd pag nalaman mong pirated 'to, ang itapon sa basurahan o isama sa iyong collection, pakaingatan dahil minsan nagbigay rin ito ng saya sa iyo...

Point ko?...Simple, maaaring sa umpisa ang alam mo sa nararamdaman mo ay love...Nakikita mo ito, naririnig at nararamdaman...Ngunit sa paglipas ng panahon, may mga bagay tayong nasasalubong na nagiging dahilan upang magkaruon ng pagbabago sa ating nararamdaman.

Sa pagbabagong ito, maaaring kang magalit, malungkot, magsaya, umiyak. Ngayong alam mo na ang mga nangyayari, pwede mong ipagsawalang bahala ang relasyon o patuloy itong alagaan at pakaingatan dahil minsan na itong nagbigay saya sayong buhay.

Nagbabago ang lahat ng bagay, alam na natin to...kahit nga ang pagmamahal nagbabago din, ngunit nasa sa atin pa rin kung papayagan natin bumalik ang pagmamahal na dati na nating naramdaman upang nang sa gayun patuloy tayong magmamahal hanggang sa dulo ng walang hanggan, hehe teleserye na naman!

Tunay na pagmamahal?

Ang kahalagahan ng isang bagay o tao
ay nananatili sa puso ng nagmamahal,
maaari mo itong kalimutan at tanggalin sa isipan
ngunit ang burahin sa puso
ay hindi magagawa ninuman...

pahabol : nakakuha lang po ako ng topic sa isang forum, at imbes na sumagot sa thread na yun ay dito ko na lamang nilagay..baka kasi magalit sila at ang haba ng reply ko..

pahabol uli : akala ko ako lang nakaramdam ng paglindol ngayon-ngayon lang, pati boss ko pala..Saglit lang naman pero bihira kasi lumindol dito sa Palau kaya nakakatakot din, baka bigla na lang lumubog ang buong Palau, lam nyo na, napakaliit na island nito..

Happy Anniversary...

Para sa 'yo,

Akalain mo yun, natapat tayo ng Undas! Pero wag ka mag alala, All Saints Day naman ngayon eh, at bukas pa ang araw ng mga patay...

In peyrnes ah!mas maraming araw na magkasama tayong masaya ako kaysa sa malungkot, pero alam mo sa tutuo lang, kahit naman dumating ung mga panahon na malungkot ako andyan ka pa rin at handang dumamay sa akin.

Nga pala, natatandaan mo ba nung pinakaunang araw na nagkita tayo? di ka kaya ganyan kaganda, hehe maganda ka na ang ibig kong sabihin pero habang tumatagal mas lalo kang gumaganda...wag mo na i-deny, may tagahanga ka nga nuon eh, kilala mo? Isa sya sa binigyan natin ng regalo nuon, di ko nga pala nasabi sayo yun. di bale eto pabasa ko na lang sayo, click mo to! , duon sa part kung saan sya nagpasalamat sa atin ang basahin mo. wag lake ulo ah hehe

Ngingiti-ngiti ka ngayon! Ganda mo eh..

Wag ka masyado magsaya, kasi alam mo na, baka may mainggit na naman sa atin..Oo, yun nga! O diba? ginamit tayo para paangatin ang sarili nya, yun nga lang mas marami tayong friends kaysa sa kanya. Kaya ayun! ewan ko lang kung may bumibisita pa sa kulokoy na yun. Di malabong mangyari uli sa atin yan, kaya ingat na tayo. At kung may mali sa ginagawa ko sabihin mo agad para maayos ko pa at alam mo na...magtagal pa tayo ng matagal na matagal

Wag na lang siguro nating pansinin yung mga taong gustong sirain ang relasyon natin, ang isipin na lang natin masaya tayo, kahit na minsan eh nahahawa ka sa kalungkutan ko...wag ka mag alala, pipilitin kong hindi na malungkot basta pangako mo na jan ka lang palage para sa akin ha?..At isa pa nga pala, lage mo ring isipin na hindi lang tayo ang napapasaya ng relasyong to, pati ung mga kaibigan natin, masaya sila pag nakikita tayo...Kaya wag kang bibitiw, ako rin pala :-D

Tama na muna tong sulat ko sayo, mamaya pag nagkasarilinan tayo saka ko sasabihin lahat ng nararamdaman ko para sayo. Kapag wala nang ibang nakakakita sa atin at nakakarinig..Ngisi ka jan! wala akong gagawin sayo no, mag usap lang tayo lolzz

Sige na, ingat palage...Happy Anniversary uli sa atin!


pahabol sa mga mambabasa : kung gusto nyo syang makilala puntahan mo ung tagahanga nya dati, magtanong kayo dun...andun ung link sa taas, scroll up!

Piktyurs?...

click nyo ung pix
para makita ang kagandahan
ng isla at ng dagat.

Request ni Francesca piktyurs,
piktyur lang muna sa ngayon!

Isa yan sa mga Rock Island ng Palau,
kailangan mo mag boat ng mahigit
30 minutes bago ka makarating,
pero sulit dahil
bukod sa mga magagandang island
na makikita mo habang nasa byahe
eh napakaganda ng lugar
at masarap maligo.

Magnanakaw muna ako
sa digicam ng mga kasama ko
para sa susunod eh mas
maraming piktyurs...

Hanapin nyo na lang ako jan!

Pwede na bang umuwi?

miss na miss ko na kayo :-(

Palau...Palau...Palau

Ang mga sumusunod ay napansin ko lamang sa loob ng anim na taon ko dito sa Palau, bahala na magdagdag ung ibang Blogger na andito sa Palau..oo nga pala, ako lang Pinoy blogger dito, ay meron pa isa, officemate ko...dalawa na kami!

• Mas masaya dito kapag undas kaysa xmas at new year, ewan ko ba at pinagdiriwang nila ang araw ng patay
• Walang putukan dito kapag new year, bawal magpaputok! Lusis pwede, saka watusi
• Newspaper dito pang isang linggo, baka kasi wala na sila maibalita kung araw-araw
• Bihira kang makakita ng pulis na may baril, ni wala ngang balita dito na binaril eh
• May mga preso dito na kung tawagin ay "six to six", kasi pasok sila sa kulungan ng 6pm, labas ng 6am para mag work tapos balik na naman sa kulungan ng 6pm, galing no?!
• Tawag ng mga Palauan sa Pinas eh PI, maliit lang daw kasi na island ang Pinas, pag pinakita mo ung mapa ng Pinas sa kanila at katabi ang Palau, eh di maniniwala..Tuldok lang kasi ng Pinas ang Palau...subukan nyong tingnan sa google earth, baka nga di nyo makita ang Palau eh
• Walang gprs dito, send nga lang ringtone hindi pwede eh...bluetoothan na lang.
• Wala ring sinehan dito, kaya dapat may dvd player ka, tungaw!dapat may tv k rin ah!
• Walang mall dito, pinakamalake na yata ung isang store ng company, hanggang 3rd floor lang at may dalawang entrance wala pang sekyu, isipin mo kung gaano kalake yan
• Taxi lang ang pampublikong sasakyan dito, kaya kung wala kang sariling sasakyan simulan monang maglakad dahil $2-$4 ang taxi
• Receive k lang ng call sa cp mo eh mababawasan pa load mo! AYUP!
• At di mo pa pwede itext o tawagan ung isang Telephone Company, di gaya sa Pinas na pwede mo itext ang Globe kahit Smart ka.
• Nga pala, kung may $500 ka dito makakabili ka na ng sasakyang second hand, pero maganda pa, sayang nga at di pwede iuwi sa Pinas
• Hacker na ang tawag nila sa taong gumamit ng Internet Dial-Up Account na hindi sa kanya, paano pa kaya kung galawin ko computer nila remotely?
• Pansinin ka kapag quiksilver, billabong o roxy ang damit o gamit mo, kaya nung bakasyon ko dinala q quiksilver ko...wala man lang pumansin!
• 2 Lanes lang halos lahat ng daan dito, kaya di pwede overtake.
• Gusto mo magkapera? pasuntok ka dito at sumbong ka sa Police, may $300-$500 ka
• Mas madalas ang gulo ng mga kabataan dito, kasi naman pag menor de edad ka eh pasundo ka lang sa nanay mo sa kulungan eh uwi ka na
• Kapag nga pala nahuli kang nagbenta ng alak o sigarilyo sa menor de edad o kaya'y ikaw na menor de edad ang bumili, sigurado naka display ka maghapon sa publiko at may plakard pa!
• $$$ ang kaperahan dito, tapos parang probinsya ang dating..walang masyadong polusyon, walang masyadong krimen, at simple lang ang buhay...depende na sayo kung pahihirapin mo
  

Yan na lang muna, saka ko na uli dagdagan pag naka 12 years na ako dito...